रोहा तालुकास्तरीय स्पर्धेत उसर ठाकूरवाडी शाळेचा प्रथम क्रमांक

 तालुकास्तरीय स्पर्धेत उसर ठाकूरवाडी शाळेचा प्रथम क्रमांक

आज रोहा तालुक्यातील सर्व शाळांच्या तालुकास्तरीय क्रीडा स्पर्धा व व्यक्तिमत्व विकास स्पर्धा रोहा येथे आयोजित करण्यात आल्या होत्या. स्पर्धेचे आयोजन मा.गटशिक्षणाधिकारी धायगुडे मॅडम, शिक्षण विभाग रोहा तालुका व तालुका अध्यक्ष श्री.अजय कापसे सर,क्रीडा समन्वयक श्री.संतोष यादव सर यांनी केले. सर्व स्पर्धा खेळीमेळीच्या वातावरणात पार पडल्या. त्या स्पर्धेत उसर ठाकूरवाडी शाळेने घवघवीत यश मिळवले. शाळेतील जान्हवी खेळू लेंडी या विद्यार्थिनीने मातीचे शिल्प तयार करणे स्पर्धेमध्ये सहभाग घेऊन अतिशय सुबक व सुंदर शिल्प तयार करून *तालुक्यात प्रथम क्रमांक* मिळवून उसर ठाकूरवाडी शाळेचे व गावाचे नावलौकिक केले आहे. व प्रथम क्रमांक मिळवून तिची जिल्हास्तरीय स्पर्धेसाठी निवड झाली आहे. या शाळेवर नवनियुक्त शिक्षणसेविका सौ.सोनाली मोरे मॅडम यांचे खूप मोलाचे मार्गदर्शन मिळाल्याबद्दल तिला हे यश संपादन करता आले. 

    अशा पद्धतीने उसर ठाकुरवाडी शाळेची विद्यार्थिनी जान्हवी खेळू लेंडी हिने तालुकास्तरीय क्रीडा स्पर्धा व व्यक्तिमत्व विकास स्पर्धेमध्ये मोठे यश संपादन केले त्याबद्दल जान्हवीचे, तसेच शाळेचे मुख्याध्यापक श्री. प्रमोद दिगंबर मोरे सर व शिक्षिका सौ.सोनाली प्रमोद मोरे मॅडम यांचे शाळा व्यवस्थापन समितीचे अध्यक्ष श्री.दिगंबर वारगुडे,उपाध्यक्ष श्री.मारूती शिद व गावकीचे अध्यक्ष श्री.यशवंत वारगुडे, ग्रामपंचायत सदस्या राजेंद्री बबन वारगुडे,जान्हवीचे पालक खेळू लेंडी व संपूर्ण ग्रामस्थांच्या वतीने हार्दिक अभिनंदन करण्यात आले. शाळेच्या इतिहासात पहिल्यांदाच शाळेने तालुकास्तरावर प्रथम क्रमांकाचे बक्षीस मिळाल्याने सर्व पालक व ग्रामस्थ आनंदित झाले आहेत.तांबडी बुद्रुक केंद्राचे केंद्रप्रमुख श्री.विवेकानंद पोटे सरांनी व केंद्रातील सर्व शाळांनी ही जान्हवीचे कौतुक केले व तिला जिल्हास्तरीय स्पर्धेसाठी शुभेच्छा दिल्या.