विद्यार्थी बचत बँक – एक शाळा, एक सवय - अनुभवजन्य शिक्षण

उपक्रमाचे नाव: विद्यार्थी बचत बँक – एक शाळा, एक सवय  

शाळेचे नाव: रायगड जिल्हा परिषद शाळा, उसर ठाकूरवाडी  

बँक स्थापना तारीख: २५ जुलै २०२५  

संकल्पना व मार्गदर्शन: श्री.प्रमोद दिगंबर मोरे सर व सौ.सोनाली मोरे मॅडम  

---

उपक्रमाचा उद्देश: 

             आजच्या बदलत्या जीवनशैलीत लहानपणापासूनच पैशाचे योग्य व्यवस्थापन शिकणे आवश्यक आहे. याच उद्देशाने शाळेत "विद्यार्थी बचत बँक" ही संकल्पना राबवण्यात आली आहे. या उपक्रमामुळे विद्यार्थ्यांना बचत, संयम, नियोजन, व शिस्त या मूल्यांची शिकवण मिळते.

              विद्यार्थ्यांना लहान वयातच बचतीची सवय लागावी, पैशांचे मूल्य समजावे आणि गैरवापर टळावा या उद्देशाने शाळेमध्ये "विद्यार्थी बचत बँक" सुरू करण्यात आली आहे.  

           तसेच मुलांना मिळणारे खाऊसाठीचे पैसे ते दुकानातील आरोग्यास अपायकारक पदार्थांवर खर्च न करता, शालेय बचतीसाठी वापरावेत हा मुख्य हेतू आहे. यामुळे त्यांना आरोग्यस्नेही सवयी आणि आर्थिक शिस्त अशा दोन्ही मूल्यांची शिकवण मिळते.

---

उपक्रमाची अंमलबजावणी:  

- शाळेतील प्रत्येक विद्यार्थ्याला एक बचत वही (पासबुक) देण्यात आली आहे.  

- विद्यार्थ्यांनी दररोज १ रुपया, २ रुपये, ५ रुपये अशा क्षमतेनुसार रक्कम शाळेत आणून जमा करावी, अशी प्रोत्साहनात्मक सूचना देण्यात आली.  

- शाळेतील एका सुरक्षित पेटीत बचत रक्कम ठेवली जाते.  

- शिक्षकांमार्फत रक्कम व नोंदणीची जबाबदारी पार पाडली जाते.  

- आठवड्यातून एकदा बँक दिवस जाहीर केला जातो.  

- दररोज विद्यार्थ्यांना बचत रकमेचा अहवाल दिला जातो.

---

परिणाम:

- विद्यार्थ्यांमध्ये बचतीची सवय लागली आहे.  

- पैशाची किंमत आणि योग्य उपयोग कसा करावा याची जाणीव निर्माण झाली आहे.  

- काही विद्यार्थ्यांनी स्वतःच्या पैशातून वह्या-पुस्तकेही खरेदी केली आहेत.  

- पालकांकडून या उपक्रमास उत्स्फूर्त प्रतिसाद मिळाला आहे.  

---

निष्कर्ष

           "थेंबे थेंबे तळे साचे" या उक्तीप्रमाणे शाळेतील विद्यार्थी बचत बँक उपक्रम विद्यार्थ्यांमध्ये आर्थिक साक्षरता आणि शिस्त जोपासण्यासाठी एक प्रभावी पाऊल ठरले आहे. शाळा हेच पहिले व्यासपीठ आहे जिथून आवश्यक जीवनकौशल्ये आत्मसात केली जातात.  

              बचत हा सर्वात चांगला सवंगडी असतो. शाळेत राबवलेला हा उपक्रम विद्यार्थ्यांना केवळ पैशाची किंमत शिकवत नाही, तर स्वतःवर नियंत्रण, समाजभान आणि आचारसंहिता या महत्त्वाच्या मूल्यांचीही शिकवण देतो.  

रायगड जिल्हा परिषद शाळा, उसर ठाकूरवाडी ता.रोहा

डिजीटल पाटी interactive slate मराठी व इंग्रजी अक्षरे शिका व सराव करा.

from IPython.display import display, HTML html_code = """

लेखन सराव पाटी

भाषा निवडा: मराठी English अक्षर: पेन्सिल रंग:

अ

""" display(HTML(html_code))

100% उपस्थिती चषक नाविन्यपूर्ण उपक्रम

 

100% उपस्थिती चषक – नाविन्यपूर्ण उपक्रम

*शाळेचे नाव:* रायगड जिल्हा परिषद शाळा, उसर ठाकूरवाडी 
*उपक्रमाचे नाव:* 100% उपस्थिती चषक 
*संकल्पना:* श्री. प्रमोद दिगंबर मोरे सर व सौ. सोनाली प्रमोद मोरे मॅडम 
दिनांक: 24/07/2025

उपक्रमाचा उद्देश:
विद्यार्थ्यांची नियमित शालेय उपस्थिती वाढवून त्यांचा शिक्षणातील सहभाग व शैक्षणिक गुणवत्ता वृद्धिंगत करणे हा या उपक्रमाचा मुख्य उद्देश आहे. विद्यार्थ्यांमध्ये शाळेबद्दल आवड निर्माण व्हावी, वर्गशिक्षकांनीही विद्यार्थ्यांच्या उपस्थितीकडे विशेष लक्ष द्यावे, यासाठी प्रेरणादायी असा *"100% उपस्थिती चषक"* हा सन्मान ठेवण्यात आला आहे.

उपक्रमाची अंमलबजावणी:
प्रत्येक दिवशी शाळेतील सर्व वर्गांची उपस्थिती तपासून 100% उपस्थिती असलेल्या वर्गास व संबंधित वर्गशिक्षकास "उपस्थिती चषक" देण्यात येतो. हा सन्मान त्या वर्गास दुसऱ्या दिवशी सकाळी संपूर्ण शाळेच्या उपस्थितीत देण्यात येतो. यामुळे विद्यार्थ्यांमध्ये उत्सुकता निर्माण होते आणि सर्वच वर्गांना 100% उपस्थिती राखण्यासाठी प्रोत्साहन मिळते.

आजचा सन्मान:
दिनांक 24/07/2025 रोजी इयत्ता *पहिली व दुसरीच्या सर्व विद्यार्थ्यांनी 100% उपस्थिती राखली.* यासाठी त्यांच्या वर्गशिक्षक *श्री. प्रमोद दिगंबर मोरे सर* यांचे योगदान लक्षणीय होते. 
याबद्दल आज शाळेच्या शिक्षिका *सौ. सोनाली प्रमोद मोरे मॅडम* यांच्या हस्ते *"आजचा उपस्थिती चषक"* प्रदान करून विद्यार्थ्यांसह मोरे सरांचा गौरव करण्यात आला.

उपक्रमाचे यश:
या उपक्रमामुळे विद्यार्थ्यांमध्ये शाळेबद्दल सकारात्मक भावना निर्माण झाली आहे. पालकांनाही याचे महत्त्व पटू लागले असून, ते मुलांना नियमित पाठवू लागले आहेत. शाळेतील सर्व शिक्षक या उपक्रमात सक्रिय सहभाग घेत आहेत.

निष्कर्ष:
"100% उपस्थिती चषक" हा अभिनव उपक्रम विद्यार्थ्यांच्या सर्वांगीण विकासाला हातभार लावत आहे. पुढेही हा उपक्रम नियमितपणे राबवण्यात येईल, असे ठरविण्यात आले आहे.

 रायगड जिल्हा परिषद शाळा, उसर ठाकूरवाडी

आदर्श पाठ नमुना : कृतीयुक्त शिक्षणातून दशक संकल्पना पक्की करा.

 

आदर्श पाठ रचना व नमुना

पाठाचे नाव: दशक संकल्पना समजून घेऊया - संख्या 23_

पाठाचे उद्दिष्टे:  

- विद्यार्थ्यांना दशक म्हणजे काय हे समजेल.  

- 23 या संख्येचे दशक व एकक स्वरूपात विश्लेषण करता येईल.  

- आईस्क्रीम काड्यांच्या सहाय्याने गणनात्मक कौशल्य वाढवले जाईल.

---

पाठरचना

1. उकल (उद्घाटन):

छोट्या गोष्टींचा मोठा गट कसा बनतो, यावर चर्चा  

उदाहरण: 10 पेन म्हणजे एक डबा, 10 विद्यार्थी म्हणजे एक पंक्ती

2. दशक संकल्पना स्पष्ट करणे (स्पष्टता):

- 10 काड्या घेऊन गट करावा.  

- “हा 1 गट = 1 दशक” हे स्पष्ट करणे  

- 23 काड्या घेऊन 10-10 चा 2 दशकांचा गट तयार करणे  

- उरलेल्या 3 काड्या एकक म्हणून दाखवणे  

*=> 23 = 2 दशक + 3 एकक*

3. कृती: 

- प्रत्येक विद्यार्थ्याला 23 काड्या देणे  

- स्वतः गट तयार करून दशक व एकक वेगळे करणे  

- काहींना वर्गात सांगायला लावणे

4. प्रात्यक्षिक: 

- फळ्यावर 23 काड्यांचे प्रत्यक्ष गट बनवून दाखवणे  

- 10-10 चा गट बांधून 2 दशक, उरलेल्या 3 एकक दाखवणे

5. मूल्यांकन:  

- 17, 35, 42 या संख्यांचे दशक व एकक काढा  

- 10 काड्यांचे किती गट? उरलेल्या काड्या किती?

6. समारोप:  

- दशक म्हणजे 10 एककांचा एक गट  

- 23 मध्ये 2 दशक + 3 एकक  

7. गृहपाठ :

- घरी आई/वडिलांबरोबर 2-3 संख्यांचे दशक व एकक करून दाखवा.

साहित्य: 

आईस्क्रीम काड्या, रबर बँड (गट बांधायला), फळा-खडू

हा पाठ खेळकर पद्धतीने घेतल्यास संख्येची रचना लवकर लक्षात राहते.

“तळा तालुक्यात मंथन सामान्य ज्ञान परीक्षा २०२५” गुणवंत विद्यार्थ्यांचा गुणगौरव सोहळा उत्साहात संपन्न

 “तळा तालुक्यात मंथन सामान्य ज्ञान परीक्षा २०२५” गुणवंत विद्यार्थ्यांचा गुणगौरव सोहळा उत्साहात संपन्न

दि. १९ जुलै २०२५ रोजी, रा.जि.प. शाळा तळा मराठी येथे दुपारी १:०० वाजता मंथन राज्यस्तरीय सामान्य ज्ञान परीक्षेत यश संपादन केलेल्या विद्यार्थ्यांचा गुणगौरव सोहळा जल्लोषात पार पडला.

कार्यक्रमाच्या अध्यक्ष  मा. गटशिक्षणाधिकारी श्रीम. सुरेखा मारूती तांबट मॅडम,प्रमुख पाहुणे श्री. मुबीन वासकर सर विस्तार अधिकारी व केंद्रप्रमुख, तळा, श्री. संतोष पटाईत सर केंद्रप्रमुख, पिटसईकोंड, श्री. रविंद्र फडके सर केंद्रप्रमुख, टोकार्डे, श्री. विवेकानंद पोटे सर  केंद्रप्रमुख, तांबडी,श्रीम. सुप्रिया जामकर मॅडम मुख्याध्यापक, रा.जि.प. शाळा तळा मराठी,श्रीम. सरलादेवी पवार मॅडम उपस्थित होते.कार्यक्रमाचे सूत्रसंचालन श्री. प्रमोद दिगंबर मोरे सरांनी केले.

तालुक्यातील खालील गुणवंत विद्यार्थ्यांनी घवघवीत यश संपादन केले.इयत्ता 1 ली, आयुष संतराम बोडखे, राज्य: 30 | जिल्हा: 25 | केंद्र: 1, इयत्ता 2 री यशवर्धन धनंजय पवार, राज्य: 16 | जिल्हा: 11 | केंद्र: 1, स्वरा शंकर वाघरे – राज्य: 19 | जिल्हा: 14 | केंद्र: 2, रूही रवी नाक्ते राज्य: 21 | जिल्हा: 16 | केंद्र: 3, इयत्ता 3 री कोमल तुषार वाडेकर राज्य: 33 | जिल्हा: 26 | केंद्र: 1, संस्कृत रविंद्र लोखंडे – राज्य: 50 | जिल्हा: 43 | केंद्र: 2, इयत्ता 4 थी, पार्थ प्रमोद मोरे राज्य: 31 | जिल्हा: 25 | केंद्र: 1, ज्ञानदा गहिनीनाथ उस्तुरे राज्य: 36 | जिल्हा: 30 | केंद्र: 2, मानवी लालसिंग पवार, राज्य: 38 | जिल्हा: 32 | केंद्र: 3, साईश रविंद्र लोखंडे राज्य: 41 | जिल्हा: 35 | केंद्र: 4, इयत्ता 5 वी, श्रावणी प्रल्हाद दळवी राज्य: 22 | जिल्हा: 14 | केंद्र: 1, इयत्ता 7 वी, प्रांजल विश्वास गपट राज्य: 59 | जिल्हा: 34 | केंद्र: 1  

                    या सोहळ्याचा उद्देश विद्यार्थ्यांमध्ये स्पर्धा परीक्षेची गोडी वाढवणे आणि त्यांचा आत्मविश्वास बळकट करणे हाच होता. पालक व ग्रामस्थांच्या उपस्थितीत संपन्न झालेला हा सोहळा सर्वांसाठी प्रेरणादायी ठरला.

नवीन चार समित्या रचना नमुना दाखल

नवीन शासन निर्णयानुसार चार समित्यांची रचना नमुनादाखल खाली दिलेली आहे.

हुबेहुब आकृती ओळखणे (मिशन नवोदय )

 

मंथन राज्यस्तरीय सामान्य ज्ञान परीक्षा २०२६ online Registration